Пресметката меѓу крими-клановите во Подгорица, убиени двајца мажи

Две лица загинале во престрелка во Подгорица, на кружниот тек кон Никшиќ. Според неофицијални информации на Вијести, убиени се двајца жители на Цетиње Ж. Л. и З. П., наводни членови на кавачкиот клан.

Според овој весник, жртвите биле во „БМВ“ кога тројца напаѓачи отвориле оган врз нив, откако излегле од автомобилот „опел“.

„Во возилото користено во нападот, кое потоа било запалено во Мареза, имало три маскирани лица“, тврди соговорникот на Вијести.

Полицијата трага по црн автомобил ,,фолксваген поло”.