ВРЕДИ: Албанската академија е исклучиво научен проект

Албанската академија е исклучиво научен проект, кој има за цел да ја унапреди академската мисла. Бидејќи албанските интелектуалци систематски се дискриминирани во МАНУ, тие немаат простор каде да делуваат. Поради тоа, ние бевме принудени да создаваме платформа која ќе овозможи развој на научната мисла, се вели во соопштението од ВРЕДИ.

Од таму сметаат дека во 21 век, неприфатливо е да има противење на научните трудови и на унапредувањето на знаењето.

-Апелираме до сите политички партии наместо да критикуваат, да се охрабарат и да дадат поддршка за оваа иницијатива, за преку инклузивна дебата да се најде правично решение за претставувањето на Албанците во највисоките академски кругови. Како ВЛЕН, не можеме да ја прифатиме логиката на двојна негација, каде што МАНУ не ги отвора целосно вратите за Албанците, а истовремено се проблематизира основање на Албанската академија, се наведува во соопштението.