Словенија успеа да го евакуира персоналот на својата Амбасада од Киев

Словенија успеа да го евакуира персоналот на својата Амбасада во Киев, поради ситуацијата во Украина, но е подготвена да им помогне со оружје на украинските власти.
Словенечкиот амбасадор Томаж Менчин продолжува да ја врши дипломатската должност како амбасадор, соопштено е во Љубљана.

Министерот за надворешни работи Анже Логар соопшти дека персоналот на амбасадата успешно пристигнал во ЕУ со конвој од дипломатски претставници, како и двајца членови на словенечкиот владин кабинет кои работеле во Киев за да ја подготват посетата на премиерот Јанез Јанша на земјата, која е одложена во меѓувреме.

Логар на Твитер рече дека повикува пет лица со титула почесни конзули на Русија во Словенија да и ги вратат конзуларните титули на Москва и дека ова го смета за одлука која мора да биде очигледна во сегашната ситуација.

Премиерот Јанез Јанша за денеска во 18 часот свика седница на Советот за национална безбедност.