„Учествуваме во време кога сите се чудиме како дојде до вакво зголемување на цените на металите, на бакарот, на никелот, а тоа не значи дека се зголемува профитот. Сите цени во Европа енормно се зголемуваат. „Бучим“ до почетокот на годинава месечно плаќаше за електроенергија 500.000 евра, а сега цената на истото количество е 2 милиони евра“ – вели Николајчо Николов – доскорешен менаџер во „Бучим“.
Николов смета дека „живееме во нестабилно време и тешко може да се прави согледлива економија, мора од ден на ден да се снаоѓаме“.
Тој смета дека со долгото траење на пандемијата се очекуваа економските последици, а Европа и светот не беа подготвени за долгорочна борба.
„Енергетски моравме да очекуваме дека 2021 година ќе биде многу тешки економски за нашата држава, ние и како држава не водевме доволно мерки за да ги согледаме проблемите. Во рударската индустрија немаше олеснителни мерки, но и таму каде државата даваше мерки, ситуацијата не е подобрена“ смета Николов.
„Како држава, ја побркавме политиката за енергетската состојба. Мислам дека многу паушално решаваме некои проблеми, немаме државна стратегија“ смета тој.