Косовската Влада со одлука за промена на мерките против ширењето на епидемијата на Ковид-19, со кои од денеска се укинуваат полицискиот час и ограничувањата за работа на угостителските објекти.
Од 7 март се укинува и забраната за организирање на фестивали, концерти, екскурзии, свадби, семејни веслби и слично, со тоа што се дозволува користење на 50 отсто од капацитетите на местата каде што тие ќе се одржуваат.
За влез во Косово останува обврската за приложување една од следните потврди: сертификат за примени две дози вакцини, или една доза од „Џонсон&Џонсон“ вакцина, од кои последната треба да биде примена најдоцна пред 12 месеци, негативен РТ-ПЦР тест не постар од 48 часа, или потврда дека лицето прележало Ковид-19 во последните 90 дена (позитивен РТ-ПЦР тест издаден пред 21 до 90 дена).
Непроменета останува и обврската за транзит низ Косово без приложување на некој од доказите за вакцинација или прележана зараза, во рок од три часа од влезот преку аеродром или некој од земните гранични премини, со потпишување изјава за намерата да се напушти државата во определениот рок.