Касами: ВЛЕН се формализира, по потпишувањето започнува организацијата на терен

Во Домот на културата во Тетово се собираат потписи за формално основање на ВЛЕН, со што официјално започнува формирањето на субјектот како политичка партија согласно законите на Македонија.

Ко-претседателот на ВЛЕН, Билал Касами, изјави дека по завршувањето на овој процес ќе започне организирањето на партиските структури во ограноци и подограноци, со цел решавање на проблемите на граѓаните и спроведување на политичката програма.

„Денеска во Домот на културата во Тетово се организира собирање потписи за формално основање на ВЛЕН, со што започнува и официјално патот на субјектот ВЛЕН како политичка партија согласно законите на Македонија. Повикани се сите наши активисти од Струга до Куманово да го дадат својот потпис и верувам дека денеска овој процес успешно ќе заврши.

Од денеска ќе започне нашата активност на терен, со посети на структурите на ВЛЕН, со што ќе започне и изградбата на структурите на ниво на ограноци и подограноци. Ќе бидеме подготвени да одговориме на проблемите што ги имаат граѓаните и на реализацијата на програмата“, изјави ко-претседателот на ВЛЕН, Билал Касами.