Очите на македонската јавност претходните неколку недели се вперени кон случувањата на клиниката за Онкологија. Гневот на граѓаните расте со секое ново обелоденување на деталите за овој скандал, а тие сакаат да знаат кој се бил вмешан во оваа шема.
Неделникот Фокус подолг период предупредува за се она што се случува на Клиниката на Онкологија, а токму затоа вечерва во ова издание на „Трилинг“ гостинка е авторката Ирена Мулачка на низа текстови за овој случај.
Се надевам искрено дека ќе има било каква разврска, а тоа ќе им даде зрак надеж на сите пациенти кои боледуваат од таа страшна и тешка болест да се разоткрие што се случувало на клиниката години наназад. Посебно голем проблем е биолошката скапа терапија, започнува Мулачка.
И покрај се Мулачка се надева дека на крајот ќе се знаат имињата и презимињата на виновниците.
Јас лично го отворив и сметав дека некој од надлежните ќе реагира иако не верував дека тоа ќе се случи. За мене, а и за граѓаните беше голем шок кога упаднаа полицијата и обвинителство на клиниката. Мислам дека ЈО има доста работа. Има многу стории кои треба да се прочешлаат и истражат. Се надевам дека на крај на вистинските виновници ќе им се знаат имињата и презимињата, потенцира Мулачка.
Таа вели дека во овој скандал се вмешани повеќе од луѓе, од секретарки до чувари и благајници.
Се надевам дека овој случај нема да заврши во некоја фиока, заклучува новинарката.
Во новиот циклус на емисии на Трилинг воведуваме и гостин водител, па така вечерва новинарката Мулачка водеше интервју со гостинката Александра Величковска, која е онколошки пациент.
Александра Величковска, пациентот на Онкологија ја раскажа голготата која ја поминала како Онколошки пациент.
Мојата борба започна минатата година негде ова време. 7 септември беше датумот кога ми беше дијагностициран канцер на дојка. Во моментот кога ви се соопштува дијагнозата се соочувате со страв од непознато и бес во себе затоа што сте премногу млад да се соочите со нешто кое е испишување на комплетно нова страница во животот, започнува Величковска.
Таа детално го објаснува процесот при одбирање на онколог и сесиите на хемотерапија. Освен за нејзиното искуство, раскажува и за искуството на останатите пациенти кои често го добиваат коментарот „дојдете следниот понеделник“ или слично.
Величковска зборува дека Клиниката за онкологија ѝ е втор дом бидејќи таму е постојано. За што и да треба таа мора да се консултира со онкологот.
Недостапност на термините за било каков преглед е еден од клучните проблеми таму. Безредието по ходниците и недостапност на термините е еден од клучните термини кои треба да се регулираат. Ние пациентите не го заслужуваме тоа, рече Величковска.
„Му се радуваме на секој ден како да е последен“, вели Величковски и вели дека пробелмот е што често се соочуваат со недостаток на финансии.
Таа заклучува дека за крај има доза надеж, а сега имиња и презимиња и да знае што точно се прави во истражната постапка.