Медицинската сестра А.О. од Скопје, која во два наврати беше фатена во кражба на цитостатици на Клиниката за онкологија при Клинички центар „Мајка Тереза“, им бега на органите на прогонот.
Таа не се појавила на распитот на кој била повикана.
Во моментот истражните органи ја проверуваат нејзината достапност.
Според информациите, наводно сестрата е во Германија. Повеќе од извесно е дека ќе има обвинение, а ако не се врати од Германија, ќе ѝ биде судено во отсуство.
За А.О. има две кривични пријави кои што Министерството за внатрешни работи ги поднесе до Обвинителството.
Првата се однесува на кривичното дело кражба и е од 2020 година.
Второто се однесува на кривичното дело „послужување“. И двете дела се за крадење цитостатици.