![](https://triling.mk/wp-content/uploads/2022/02/4q5rwfedsx-750x430.jpg)
Владимир Путин – претседателот на Русија му рекол на својот француски колега – Емануел Макрон дека демилитаризацијата на Украина и западното признавање на рускиот суверенитет над полуостровот Крим се предуслов за прекин на борбите во Украина, соопшти официјален Кремљ.
„Владимир Путин истакна дека решението е можно само доколку безусловно се земат предвид легитимните безбедносни интереси на Русија, вклучително и признавањето на рускиот суверенитет над Крим, демилитаризацијата и денацификацијата на украинската држава и обезбедувањето на нејзиниот неутрален статус“, се вели во соопштението на Кремљ по денешниот телефонски разговор меѓу Путин и Макрон.