Канадскиот премиер Марк Карни денеска изјави дека Канаѓаните ќе го нарекуваат езерото Онтарио со тоа име „сега и секогаш“.
Карни на мрежата Икс наведе дека името на езерото доаѓа од вендатскиот збор „Онтарио“, што значи „езерото е убаво, езерото е големо“, како и дека името е старо повеќе од 400 години и датира и од Канадската конфедерација и Декларацијата за независност на Соединетите Американски Држави.
„Знаеме дека Америка се менува. Нивните трговски односи, нивната надворешна политика, нивните национални споменици, нивните хидроними. Канаѓаните исто така знаат дека именувањето во реалноста значи нарекување на езерото Онтарио – тогаш, сега и секогаш, порача канадскиот премиер.
Американскиот претседател Доналд Трамп вчера објави дека го преименувал езерото Онтарио во Езеро Америка, нагласувајќи дека одлуката стапува на сила веднаш. Тој потпиша извршна уредба во Овалната соба со која се бара од официјалните служби на САД за географски називи да го променат името на тоа езеро.
Езерото Онтарио, едно од петте Големи езера во Северна Америка, се наоѓа на границата меѓу канадската покраина Онтарио и американската држава Њујорк. Една недела пред уредбата, целосно пропаднаа тридневните интензивни трговски преговори меѓу САД и Канада. Двете страни се обвинуваа меѓусебно за тоа. На 22 август, Белата куќа воведе царини од 50 проценти за одредени производи од Канада. Како одговор, Канада објави воведување контра-тарифи за американски стоки до 50 проценти.