Започнува вакцинација против сезонски грип – набавени се 40.000 вакцини

Од денеска во центрите за јавно здравје започнува вакцинација против сезонски грип. Од МЗ информираат дека се набавени 40.000 четириваленти вакцини.

Граѓаните кои се пријавиле за вакцинација против сезонски грип ќе добијат СМС пораки каде ќе стои датумот, часот и местото за вакцинација.

„Ова е четврта година по ред како обезбедуваме бесплатна вакцинација за хронично болните, граѓаните над 65–годишна возраст, бремените жени, децата и здравствените работници. Ќе има и теренска вакцинација и тоа во домовите за стари лица, центрите за дијализа, за здравствените работници ќе се организира пункт во Институтот за јавно здравје, а во Скопје каде се очекува и најголем притисок за вакцинација освен во Центарот за јавно здравје од поликлиниките за вакцинација за сезонски грип ќе бидат наменети тие во Ѓорче Петров, Бит Пазар и во Идадија“ рече министерот за здравство Венко Филипче.