Лажна дојава за бомба го одложи централниот Дневник на РТС

Радио Телевизија Србија вечерва доби дојава за поставена бомба, поради што вработените беа евакуирани од зградите на јавните служби во Белград. Информацијата стигна до контакт центарот на РТС во 18:42 часот, по што веднаш беше наредена евакуација, пишува Telegraf.rs.

Единиците за борба против субверзија на Министерството за внатрешни работи ги проверуваат објектите на РТС, зградата на Радио Белград и локации во Кошутњак. РТС објави дека Дневник 2 ќе се емитува штом ќе бидат завршени сите безбедносни проверки.

Централниот Дневник 2 на Радио-телевизија Србија (РТС) вечерва се емитуваше со задоцнување од речиси триесет минути по лажна дојава за поставен експлозив. Вработените веднаш беа евакуирани од работните простории, а специјалните полициски тимови влегоа на терен. По деталните контрадиверзиони проверки на објектите во Белград, надлежните утврдија дека нема опасност, па програмата продолжи со емитување.