U2 ја прославија својата 50-годишнина со концерт во училиштето каде што беа основани

Групата U2 одбележа 50 години од своето основање со концерт во училиштето „Маунт Темпл“ во Даблин, каде што членовите на бендот се сретнаа и каде што настапија за првпат во 1976 година.

Фронтменот Боно, качувајќи се на сцената на училишното игралиште, рече дека членовите на бендот избегале од часот по хемија и ги праша учениците како оди нивното „експериментирање“, јави Би-Би-Си.

U2 изведоа песни од различни периоди од нивната кариера, а концертот заврши со оркестарски аранжман на песната „One“, со учество на ученици од ирската образовна програма Music Generation.