Mинистерoт за одбрана на Израел тврди дека Хамас подготвува напади за годишнината од 7. октомври

Израелскиот министер за одбрана, Израел Кац, изјави дека ја ставил војската во состојба на висока готовност пред годишнината од нападот на Хамас, што се случи на 7 октомври 2023 година.

Кац упати предупредување до Палестинците во Газа дека ќе платат „висока цена“ доколку настрада некој припадник на израелските сили.

Од кабинетот на израелскиот министер за одбрана соопштија дека оваа наредба е издадена „во светло на разузнавачките информации за намерите на Хамас да се обиде да изврши напади и терористички операции против нашите сили во Газа тој ден“.

„Доколку, не дај Боже, настрадаат нашите сили, оние што ќе платат висока цена – несразмерно голема – ќе бидат Хамас и населението во Газа“, се наведува во соопштението.

Според официјалните податоци на здравствените служби во Газа, бројот на директно потврдени палестински жртви од почетокот на конфликтот во октомври 2023 година надмина 74.000 загинати и над 175.000 ранети, меѓу кои несразмерно голем дел се жени и деца.