На Косово откриени 36 тони месо со истечен рок

Полицијата на Косово уапси две лица и заплени 36.180 килограми месо со истечен рок во месноста Захаќ, во градот Пеќ.

Според соопштението, се работи за телешко, пилешко месо и риба по потекло од Бразил, Италија и Полска.

Месото е конфискувано и ќе биде уништено.

За случајот се уапсени лицата А.Х., менаџер на 5 деловни единици и А.А., заменик директор на депото за отпадоци.

Тие се сомничат за кривичното дело „производство и пуштање во промет на штетни прехрамбени производи“.

На А.Х. му е одреден 48-часовен притвор, додека А.А. ќе се брани од слобода.