Голема полициска акција во затворот „Идризово“

Од утринава е во тек голема полициска акција во најголемиот затвор ,,Идризово”.

Се вршат претреси, а од Обвинителството ја потврдуваат акцијата, но засега посочуваат дека не можат да откријат детали.

-Во акција координирана од Основното јавно обвинителство Скопје, поради сомневања за кривично-правни дејствија, утрово се извршени претреси во КПУ Идризово – Скопје со цел обезбедување доказен материјал, велат од Обвинителството.

Затворот во Идризово неколкупати до сега бил мета за претреси поради сомнение дека оние кои се зад решетки поради сторен криминал, го продолжуваат ланецот и во затворските ќелии. Во неколку наврати при претресите беа најдени мобилни телефони, дрога, остри предмети, пари…