Шефот на Европската унија за надворешна и безбедносна политика, Жозе Борел, рече дека ЕУ ја поддржува регионалната воена соработка, особено споменувајќи ги Босна и Херцеговина и Северна Македонија. Тој нагласи дека Европа е во опасност.
Според Борел, преземени се многу активности за зголемување на европската безбедност, но потребно е повеќе.
– Ја поддржуваме регионалната воена соработка во Западен Балкан, како и Босна и Херцеговина и Северна Македонија. Ги поддржуваме и Молдавија и Грузија во источното соседство и Јордан и Либан во јужното соседство – рече Борел.
Според претставниците на Европската унија, актуелната геополитичка ситуација ја става Европа во ризик.
Причината, велат тие, е „хибридна војна која се карактеризира со сајбер напади“.
– Досега искористивме 6,1 милијарда евра за да ја зголемиме поддршката за Украина од земјите членки на ЕУ, а со нив ЕУ и достави на Украина со вкупно 31 милијарда евра воена опрема од почетокот на војната. И овој број продолжува да расте секој ден. Меѓу другите акции, до ова лето ќе обучиме 60.000 украински војници, на Украина и дадовме 500.000 артилериски гранати, а до крајот на годината ќе ги има над милион – рече Борел.