Министрите за надворешни работи на земјите од Европската унија денеска начелно се договорија да воведат санкции за израелските доселеници кои ги напаѓаат Палестинците на окупираниот Западен Брег и да ги заострат санкциите кон припадниците на милитантниот Хамас.
Ова е првпат ЕУ да одлучи да воведе санкции за израелските доселеници, по чекорите на САД и Велика Британија, според Ројтерс.
„Постигнат е цврст компромис на работно ниво и се надевам дека ќе продолжи се додека санкциите не бидат целосно усвоени, но политичкиот договор е таму“, изјави шефот на дипломатијата на Европската унија, Жосеп Борел.
Официјални претставници на ЕУ, исто така, изразија загриженост за зголеменото насилство врз Палестинците на Западниот Брег. Европската унија воведе санкции против Хамас по смртоносниот напад на милитантната група во јужен Израел на 7 октомври.