Милорад Додик и неговата „деструктивна политика“ ја претставуваат „главната препрека“ за европската иднина на Босна и Херцеговина, објави Амбасадата на САД во Сараево.
Амбасадата на САД во објава на социјалната мрежа Икс соопшти дека ултиматумите на Милорад Додик, претседателот на БиХ. ентитетот Република Српска и водачот на најсилната партија во РС, Сојузот на независни социјалдемократи, „не ја одразуваат вистинската посветеност на ЕУ“.
„Милорад Додик тврди дека е „подготвен за ЕУ“, но неговото прифаќање на Владимир Путин и руската брутална инвазија на Украина, неговата антидејтонска реторика и акции, како и неговите напади врз државните институции, неопходни за водење на БиХ во нејзината евро-атлантска интеграција, го оспорува ова тврдење“, посочуваат од Амбасадата.
Тие додаваат дека „интеграцијата на Босна и Херцеговина во евро-атлантските институции бара колективен напор на сите политички актери“.
„Наместо да преговара со коалиционите партнери со добри намери, Додик продолжува со политиката на блокада и уцена, префрлајќи ја вината на другите за недостатокот на напредок“, се нагласува во публикацијата.
Од амбасадата наведуваат дека европските услови за отворање на пристапните преговори се јасни, директни и едноставни, но дека според неговото досегашно однесување, Додик не е подготвен да ја направи потребната работа за исполнување на овие цели – што можеше и требаше да се направи пред неколку месеци.