Гувернерот на турската централна банка Хафиз Гаје Еркан поднесе оставка, велејќи дека треба да го заштити своето семејство, поради „убиство со репутација“. Еркан брзо беше заменет со маж од кој се очекува да продолжи со нејзиниот цврст став кон политиката, пренесува Ројтерс.
Претседателот Тајип Ердоган, кој го ангажираше Еркан пред осум месеци за да ги смени долгогодишните ниски каматни стапки кои ја поттикнуваа инфлацијата, сега го назначи заменик-гувернерот Фатих Карахан да ја преземе функцијата, објави државниот весник, два часа по ненадејната оставка.
Промените во раководството на централната банка доаѓаат откако агресивните зголемувања на стапките на Еркан почнаа да ги заладуваат очекувањата за инфлација по годините на криза на трошоците за живот за Турците.
Еркан – првата жена на чело на централната банка – беше нејзиниот петти гувернер во последните пет години. Едроган ги отпушти претходните четири, поткопувајќи ја независноста на институцијата и предизвикувајќи загриженост за нејзината работа.
Доцна во петокот, водачите на владата побрзаа да кажат дека економската агенда ќе продолжи да се спроведува по заминувањето на Еркан.
Карахан, поранешен економист во Банката на федерални резерви на Њујорк, беше именуван за заменик во јули. Тој се смета за способен наследник на функцијата која одигра голема улога во плановите за заострување на монетарната политика.
Еркан, поранешен директор на американска банка, почна да ги зголемува каматните стапки откако беше назначена во јуни. Тоа беше остар пресврт по годините на ниски каматни стапки во времето на Ердоган, што доведе до зголемена инфлација и повлекување на странските инвеститори.
Централната банка оттогаш ја зголеми основната каматна стапка од 8,5% на 45%. Минатата недела, по уште едно зголемување од 250 базични поени, рече дека затегнувањето е доволно за да се постигне дезинфлација, што сигнализира запирање на покачувањата.
Еркан рече дека „нашата економска програма почна да вроди со плод“, наведувајќи ги зголемувањето на девизните резерви и очекувањата дека инфлацијата ќе почне да се лади кон средината на годината „како доказ за овој успех“.
„И покрај сите овие позитивни случувања, како што знае јавноста, неодамна имаше голема кампања за оцрнување против мене“, додаде таа на социјалната мрежа Х, мислејќи на силната кампања насочена кон уништување на нејзиниот имиџ.
„За да го заштитам моето семејство и моето невино дете, кое нема ни година и пол, да не бидат дополнително погодени од ова, побарав од нашиот претседател да ме ослободи од должностите“, додаде Еркан.
Минатиот месец, опозицискиот весник Sozcu објави напис за вработена во централната банка која тврди дека неправедно била отпуштена од банката од таткото на Еркан.