И понатаму Московската берза е затворена

Берзата во Москва е затворена и денеска, соопшти Руската централна банка. Информациите се дека берзата ќе биде затворена до 8. март.

Затворањето, според соопштението, вклучува „тргување и порамнување на сите пазари на Московската берза“.

Берзата не е отворена цела недела, откако Западот воведе санкции против Русија минатиот викенд.

Претседателот на САД – Џо Бајден вчера најави нови санкции против руските олигарси. Велика Британија, исто така, санкционираше двајца водечки олигарси чие вкупно богатство се проценува на 19 милијарди долари.

„Нема да запреме овде. Наша цел е да ја осакатиме руската економија и да ја изгладнеме воената машина на Путин“ – изјави британската министерка за надворешни работи – Лиз Трас.