Францускиот стратег Зинедин Зидан е најсериозниот кандидат за наследник на Карло Анчелоти на клупата на Реал Мадрид.
Шпанските медиуми објавија дека веќе се почнати разговори меѓу „кралскиот клуб“ и Зидан за негово враќање на тренерската позиција, а во пакет со тоа да помогне и за ангажман на Килијан Мбапе.
Зидан имаше неколку понуди од европските гиганти, кои ги одби во изминатиот период, а откако се повлече од функцијата во Реал Мадрид во мај 2021 година, тој е без работа.
Доколку се врати, тоа за него ќе биде трет мандат на клупата на Реал, а претходно со „кралевите“ ја освои Лигата на шампиони три пати, како и Ла Лига, Суперкупот на Европа, Суперкупот на Шпанија и Светското клупско првенство.