Во денешното дерби двете екипи влегоа со максимален учинок, три победи во првите три кола. Се очекуваше неизвесна борба, но не беше така, Интер ја наполни мрежата на градскиот ривал.
Резултатот беше отворен уште во 5. минута кога по асистенција од Димарко, Мхитарјан постигна гол за 1-0.
Во 38. минута Турам постигна убав гол и го зголеми водството на Интер на 2-0.
Течеше 12. минута од второто полувреме кога Рафаел Леао постигна гол и го врати Милан во живот, но следуваше кошмарен крај за росонерите.
Во 69. минута Мхитарјан со својот втор гол донесе предност од 3-1, а десет минути подоцна Чалханоглу од пенал погоди за 4-1.
Во судиското продолжение гол даде и Фратези кој ги постигна конечните 5-1.