Грција веќе неколку дена се бори со шумските пожари. Издадена е наредба за евакуација на најмалку шест приморски места, бидејќи пожарите полека се доближуваат до викендиците во околината на Атина. Ветрот кој дува со 70 км на час им помага на пламените јазици лесно да поминат низ грмушките од ридовите и боровите шуми, кои веќе се исушени од екстремната топлина.
Авиони и хеликоптери го изгаснаа пламенот во близина на Лагониси, околу 40 километри југоисточно од Атина, во област со илјадници викендици.
#BREAKING #Greece Footage from the fires in the Attica region. With the help of the KTEL (bus company) and tourist coaches, the Loutraki regional government has evacuated 1200 children from summer camps in the region, residents of retirement homes as well as whole communities. pic.twitter.com/mJgH1rnkiU
— National Independent (@NationalIndNews) July 17, 2023
Противпожарната служба извести за втор голем шумски пожар во шумска област во близина на туристичкиот град Лутраки, каде што беа евакуирани детски летен камп и центар за рехабилитација за постари лица. Накратко беше спречена евакуацијата на поради прекин на мобилната телефонија. Локалните власти јавија дека пламените јазици стигнале до рабовите на населените места во Лутраки и Лагониси, при што предизвикале штети на некои домови, но противпожарната служба немала првична официјална проценка за штетите.
Пожарникарите немале време насекаде да стигнат, како во селото Агио теодори, каде луѓето морале сами да се справуваат и со кофи со вода да го гаснат огнот кој се доближувал до куќите.