Македонското знаме веќе неколку денови се вее од тераса на зграда во населбата Мал Париз во Пловдив, Бугарија, пренесе бугарскиот портал ТрафикЊуз.
Кадрите се од социјалните мрежи и според авторите на материјалот, „логично предизвикал негативни реакции“ во позадина на тензијата меѓу Бугарија и РСМ.
Повеќето коментари на социјалните мрежи содржат споредба на односот кон Бугарите во Македонија и секако потеклото на тамошното население.
„Можам само да замислам да го ставам бугарското знаме во Македонија“, напиша еден од корисниците. Во продолжение одговорот: „Едноставно ако го облечеш ќе изедеш голем ќотек а тука си траеме…“.
Еден човек пишува дека во блокот живеел Македонец долги години, но до сега таму немало такво знаме.
„Во никој случај, не велам дека насилството е неопходно, само тоа нема да помине со коментари на Фејсбук“, напиша друг корисник.
„Ќучук ја изградија иселениците од Вардар, Егејска Македонија и Белото Море. Новоизлезениот Македонче може да се шета по маало и да ги запознае сите улици. И да сфати дека Македонија е Бугарија!!!“, изјавува друг жител на соседството.