Најмалку три лица се повредени, а се стравува дека многу повеќе луѓе би можеле да бидат затрупани откако вчера нешто по 16 часот по локално време се урна гаража на јавен паркинг во Њујорк на улицата Ен во Менхетен.
Претставници на пожарникарската служба на Њујорк изјавија дека неколку луѓе се повредени и предупредија дека повеќе луѓе би можеле да бидат заробени и затрупани во урнатините.
Екипите за итна помош се упатиле на местото на несреќата и се обидуваат да интервенираат од надворешната страна на зградата поради страв од дополнително уривање и можна нестабилност на конструкцијата, јавува CBS New York.
Due to an emergency response to a structural collapse, please avoid the area of Ann Street, between Nassau Street & William Street in lower Manhattan. pic.twitter.com/V3KxNZGXbt
— NYC Mayor's Office (@NYCMayorsOffice) April 18, 2023
Видео снимката од местото на настанот покажува повеќе автомобили наредени еден врз друг, покриени со големи количества кршен бетон.
Shocking images. Rescue workers arrive in minutes after garage collapse on Ann Street in the Financial District in Lower Manhattan just moments ago. #NewYorkCity pic.twitter.com/clHgTXVY2n
— Erasmo Guerra (@erasmoguerra) April 18, 2023
Во соопштението на Њујоршката противпожарна служба се наведува дека првиот од четирите ката на гаражата се урнал, а властите на Њујорк ги повикале своите сограѓани да ја избегнуваат областа во близина на улиците Ен и Насау.