Австриската министерка за одбрана Клаудија Танер изјави дека веројатноста за прекин на електричната енергија во делови од Европската унија во блиска иднина е многу голема.
– Мора да се подготвиме за прекини на струја во Австрија и Европа – предупреди Танер.
Министерката Клаудија Танер во интервју за германскиот весник „Велт“ откри дека очекува наскоро да има големи прекини во снабдувањето со електрична енергија на територијата на Европската унија.
– Прашањето не е дали ќе го направат тоа, прашање е кога тоа ќе се случи – рече Танер.
Таа нагласи дека ризикот од широко распространети прекини на струја е значително зголемен поради војната во Украина.
– За Путин, хакерските напади врз снабдувањето со електрична енергија од Запад се средство за хибридна војна. Не треба да се преправаме дека тоа е само теорија. Мора да се подготвиме за прекини на струја во Австрија и Европа – рече Танер.