Секој ден се повеќе се откриваат детали од долгоочекуваната книга „Семејството Виндзор: Скриената моќ зад круната“ од авторката Валентин Лу, која ќе ги открие најмрачните тајни на Меган Маркл и нејзиниот сопруг, принцот Хари.
Британските таблоиди нашироко пишуваат за овој дел, а последниот дел кој протече во јавноста открива дека тие ја сакале позицијата на која се сега двајцата и тоа детално го испланирале, пишува „Дејли Мејл“.
Извори од палатата, кои главно биле вработени како помошници на парот, му откриле на авторот на книгата дека војвотката од Сасекс намерно оставала докази додека внимателно го планирала заминувањето од кралското семејство. Тие тврдат дека на Меган со месеци пред да ја напушти палатата единствена грижа и била дали ќе може да заработи по излегувањето од палатата.
„Играа со сите. „Меган сакаше да биде отфрлена затоа што беше опседната со таа приказна за жртвата уште од првиот ден“ – рече „инсајдерот“ во палатата.
Во книгата се тврди дека вработените се увериле дека војвотката сакала да покаже колку лошо ја третираат во палатата.
Помошниците целосно се разочараа од неа и почнаа да се сомневаат дека дури и нејзините најочајни молби се дел од намерна стратегија дизајнирана да го олесни нејзиното заминување.
Главната причина за тоа, според вработените, е тоа што Меган не можела да заработи колку што сакала како член на кралското семејство. А единствениот начин да го направи тоа е да го напушти кралскиот живот и да се врати во САД.
Патем, асистентите на Меган ја означија како „нарцисоиден социопат“ поради нејзиното напорно однесување.
Оваа книга го разоткрива и лошиот однос на Меган кон вработените. Се вели дека била толку сурова што во една прилика дури и принцот Вилијам морал да интервенира, обидувајќи се да ја утеши расплаканата асистентка и да ја увери дека всушност добро си ја врши работата. Меган исто така малтретирала и „високи“ членови на персоналот.
Имено, откако Меган и Хари се венчаа, на нивниот тим се придружи и Саманта Коен, поранешната асистентка на кралицата.
Во книгата се наведува дека и таа била малтретирана и дека тоа што го правела никогаш не било доволно добро за нив.
Оваа книга ја открива и темната страна на Хари. Се вели дека војводата од Сасекс во текот на целиот свој живот знаел дека никогаш нема да дојде на тронот и дека во „трка до тронот“ ќе го надминат дури и неговите братучеди – децата на неговиот брат, принцот Вилијам.