Русија го запре гасот преку Северен тек 1

Русија ја запре испораката на гас за Европа преку гасоводот Северен тек 1, од 31 август до 3 септември.

„Единствената исправна пумпна единица Трент 60 ќе биде запрена три дена поради одржување и превентивно одржување“ – се вели во соопштението на руската нафтена компанија.

Низа рутински процедури, во согласност со актуелниот договор за одржување, ќе извршат експерти на компанијата заедно со колегите од „Сименс“, прецизираат од Газпром.

Податоците од веб-страницата на операторот Северен тек 1 покажуваат дека протокот бил на нула во периодот од 04:00 до 05:00 часот рано утринава.

Европските влади стравуваат дека Москва би можела да го продолжи овој прекин со цел да врати за санкциите што беа воведени против Русија по инвазијата врз Украина. Тие го обвинуваат рускиот претседател Владимир Путин дека ги користи енергетските резерви како „воено оружје“, додека Москва ги негира таквите тврдења.

Рускиот прекин и намалувањето на снабдувањето ги зголемија цените на гасот и ги принудија европските влади да се борат за алтернативни испораки пред зимата.