Бојан Маричиќ – вицепремиерот за евроинтеграции Бојан Маричиќ денеска рече дека на државните институции во Македонија и Бугарија ќе им треба две години координација за да ги имплементираат препораките на бугарско-македонскиот историски мешовит комитет откако завчера беше објавена заедничка декларација за чествување на средновековните ликови Цар Самуил, свети Кирил и Методиј, свети Климент и свети Наум, како и корекции од средновековниот период во бугарските македонските учебници од основно училиште.
„Има многу процедури кои што ќе треба да се направат, но нас ни е важно резултатите да се преточат во општеството без да се загуби нашиот интерес“ – рече Маричиќ.
Тој додаде дека очекува и Софија да го имплементира договореното во наредниот период.
„Вредно е ако седум врвни историчари кои сме ги поставиле, се согласиле со тој текст, така што ако тоа отвори задничко видување, тоа треба да се цени и да се почитува. Им веруваме на луѓето кои работат таму. Се што ќе направиме ние, очекуваме тоа да го направи и Софија“ – смета Маричиќ.
Тој дополни дека членовите на комисијата за одредени специфични периоди може да побараат консултации и со други надворешни стручњаци кои не членуваат во комитетот.
„Станува збор за реномирани стручњаци кои работат и во странски универзитети и на кои никој досега не им ја оспорил стручноста. Работат и во Институтиот за национална историја и со години работат во други образовни институции. Секако дека може да дадат покани за експертиза и до други стручњаци“, вели вицепремиерот.