Авион „Airbus A-380“ на компанијата „Emirates“ 14 часа летал од Дубаи со огромна дупка на трупот, пред да слета во Бризбејн, Австралија.
Штетата е предизвикана најверојатно од експлозија на гума по полетувањето од Дубаи. За време на летот, патниците му пријавиле на екипажот дека слушнале силен тресок при прелет над океанот. Авиокомпанијата донела одлука да го продолжи летот – пишува „Daily Mail“.
An Emirates Airbus A380 passenger plane (registration A6-EVK) landed in Brisbane with a hole in the fuselage, believed to be caused by a tire explosion while taking off from Dubai. Despite the damage, the pilots decided to continue the flight to Brisbane. pic.twitter.com/w05QvrK0w6
— dana (@dana916) July 3, 2022
Тие стапиле во контакт со Контролата на летање на аеродромот во Бризбејн непосредно пред слетувањето и пријавиле дека постои можност на авионот да му пукнала гума при полетувањето.
Работниците на итната помош и очевидци биле шокирани од големината на дупката на трупот на авионот.
Тој слетал безбедно и нема повредени патници. Поради дупката на трупот, леталото не е испратено на повратниот лет.