Велигденските празници поминаа, се очекуваат мерки за храната

По изјавата на премиерот Христијан Мицкоски дека по Велигденските празници ќе се носат мерки за храната, денеска се очекува тоа да се случи на владина седница.

Државниот завод за статистика пресмета инфлација од 4,9 проценти во март, а најголем скок има кај храната и пијалоците.

Минатата недела, премиерот Мицкоски изјави дека мерките ќе бидат таргетирани и комбинирани.

– Следните мерки на Владата ќе бидат потаргетирани и ќе се однесуваат на одредени групи на граѓани и на одредени производи главно основни прехранбени производи. Тие ќе бидат комбинирани со намалување на ДДВ-то и со ограничување на профитната маржа, изјави Мицкоски на 7 април.

Рече дека Владата е внимателна во носењето на мерките затоа што не се знае колку ќе трае кризата на Блискиот Исток.