Директорката на кочанската болница: Медицинските тимови ќе се особено внимателни при третманот со лузните на лицето, рацете и прстите на пациентите

Доктор Катерина Паниќ–Мирчовска, в.д. директорката на кочанската болница предупреди дека дел од пациентите кои се лекуваат по тешките повреди ќе мора да поминат и хируршки интервенции, а медицинските тимови во наредниот период ќе бидат особено внимателни при третманот на лузните на прстите, рацете и лицето, бидејќи тие можат да остават долгорочни последици.

Според нејзината изјава, кај одредени пациенти повредите се сложени и бараат дополнителни медицински процедури, па затоа лекарите внимателно ја следат нивната состојба и го планираат понатамошниот третман.

Посебен предизвик претставуваат лузните на чувствителните делови од телото, како што се прстите и лицето, бидејќи тие можат да влијаат и врз функционалноста и врз изгледот на пациентите.

Медицинските екипи нагласуваат дека третманот на ваквите повреди бара време и внимателен пристап, бидејќи покрај заздравувањето на раните, важно е и да се спречат трајни деформации или ограничување на движењето, особено кај рацете и прстите.

Во одредени случаи може да биде потребна и реконструктивна или пластична хирургија, зависно од степенот на оштетување на ткивото.