„Моџтаба Хамнеи е во кома, со ампутирана нога“ – детали од тајна болница во Техеран

Светот шпекулира со судбината на Иран и за врховниот лидер Моџтаба Хамнеи (56), кој беше прогласен за наследник на неговиот убиен татко.

Информациите кои ги споделија дел од светските медиуми се дека наводно тој е на интензивна нега, опкружен со најстрога безбедност, откако беше сериозно ранет во израелско-американските воздушни напади.

Додека обрачот на безбедносните служби се стеснува околу болницата „Сина“ во историскиот дел на Техеран, протекуваат морничави детали од извори блиски до режимот – новиот врховен лидер е во кома, а според еден извор, тој претрпел страшни повреди.

Изворот, кој сакаше да остане анонимен од страв за својот живот, испрати шокантни пораки во кои ја опишува состојбата на наследникот на ајатолахот Али Хамнеи.

„Едната нога му е ампутирана. Исто така, има руптуриран стомак или црн дроб. Според извештаите, тој е во кома“ вели изворот.

За него лично се грижи иранскиот министер за здравство, д-р Мохамад Реза Зафарѓани, врвен хирург со огромно искуство од војната меѓу Иран и Ирак, а му помага уште еден од најдоверливите лекари на режимот, д-р Мохамад Марашо.