Во Собранието денеска ќе се одржи Комеморативна седница за годишнината од трагичниот настан во дискотеката „Пулс“ во Кочани, во кој 63 лица го загубија животот, а околу 200 беа повредени.
На 14 март Владата ќе одржи Меѓународна конференција „Институционални и клинички аспекти и решенија по пожарот во Кочани една година потоа“, на која ќе присуствуваат претставници на институциите, здравствени експерти, меѓународни организации и хуманитарни партнери.
Како што информира вчера владината портпаролка Марија Митева, на конференцијата ќе учествуваат лекари и медицински персонал од 37 земји кои излегле во пресрет за лекување на настраданите во пожарот. Конференцијата, како што потенцира, има за цел да се направи една сеопфатна анализа на одговорот на трагедијата од првична интервенција и спасување животи, до долгорочниот третман, рехабилитацијата и системските решенија за иднината. На завршната сесија, пак, ќе бидат презентирани идните решенија и системски чекори кои ги преземаат институциите.
За пожарот во дискотеката во Кочани во тек е судски процес.