Емотивна објава на Македонка: „Колку ли пати преплашената мајка си ги избришала солзите за детето да не види?“

„Цела ноќ плачам… Ниту еден срам не вреди повеќе од вашиот живот. Ниту една закана не вреди повеќе од детските очи што ве гледаат и ве молат да ги спасите“, емотивно вели Ана од Скопје и порачува да ставиме крај на насилството во оваа наша напатена Македонија.

Ана oд Скопје е само една од многуте Македонки кои беа потресена до солзи по смртта на мајката со 6-годишно детенце во Тафталиџе.

Таа напиша емотивна објава на Фејсбук, која во себе има тон емоции.

Објавата гласи:

„Цела ноќ плачам.
Не само за една мајка.
Не само за едно шестгодишно детенце.
Туку за сите жени што молчат.
За сите деца што растат во страв.

Колку ли пати рекла: „Ќе се смири“?
Колку ли пати си ги избришала солзите за детето да не види?
Колку ли пати поверувала дека утре ќе биде подобро?

Но, насилството не се смирува.
Тоа расте.

Се храни од молкот.
Се засилува од стравот.

Жени, слушнете ме.
Љубов што удира – не е љубов.
Љубов што понижува – не е љубов.
Љубов од која детето се крие зад мајка си – не е љубов.

Ниту еден срам не вреди повеќе од вашиот живот.
Ниту една закана не вреди повеќе од детските очи што ве гледаат и ве молат да ги спасите.

Ова мора да запре.

Во оваа наша напатена Македонија,
да престане тишината да биде погласна од крикот.

Ако трпиш – не си слаба.
Но не молчи повеќе.

Побарај помош.
Излези.
Избери живот.

За таа мајка.
За тоа дете.

За да не плачеме пак утре.
Доста беше.

Животот е посилен од насилството…
Само ако имаме храброст да го одбереме.

Почивајте во мир невини души!“