Во магазинот „Трилинг“ разговараме со Арбен Таравари од Алијанса на Албанците, адвокатот Александар Тумановски и пијанистот Дино Имери.
„Секој којшто згрешил пред законот, ако евентуално згрешил, треба да одговара. Точка. Не очекувам некакви спектакли. Лошо е кога некои луѓе бегаат од правдата.
-И ДУИ отиде во опозиција. И тоа е добро за државата, за Албанците, за ДУИ. И на нив им требаше период во опозиција за да се реформираат.
-Господинот Мицкоски оди на доминација на Македонците во Владата, и тотално маргинализирање на албанските претставници“, вели за Трилинг лидерот на едното крило на Алијанса за Албанците, Арбен Таравари.
„По школски буквар го исполнува условот дека треба да му се определи мерка притвор, бидејќи истиот се дал во бегство.
-Дали е сега безбеден во својот дом? Обвинителот којшто ќе дојде треба да го ревидира овој начин на работење“, вели адвокатот Александар Тумановски.
„Кога имав 20, 21 година стигнав во десетте најдобри пијанисти во Европа. Музиката е голем дел од вашиот живот, но не е единствен. Моето семејство е и како секое друго семејство. Имаме на дневен ред многу нешта коишто ни се важни“, вели пијанистот Дино Имери.
Гледајте не на ТВ24 во 20.45ч , на youtube каналот Трилинг, како и на порталот triling.mk.