Во Србија распишан тендер за изградба на нафотвод од границата со Унгарија до Нови Сад
Во тендерската документација се потсетува дека изградбата на главниот нафтовод меѓу Унгарија и Србија е од национален интерес со цел да се обезбеди диверзификација на увозните правци и побезбедно снабдување на домашниот пазар, со оглед на тоа што сега единствениот правец од кој Србија увезува нафта е преку Хрватска и нафтоводот Јанаф.
Транснафта а.д. Панчево објави тендер за изградба на нафтовод од границата со Унгарија до Нови Сад, објавија денеска српски медиуми.
Јавните набавки се однесуваат на градежни работи и стручен надзор на работата.
Во тендерската документација се потсетува дека изградбата на главниот нафтовод меѓу Унгарија и Србија е од национален интерес со цел да се обезбеди диверзификација на увозните правци и побезбедно снабдување на домашниот пазар, со оглед на тоа што сега единствениот правец од кој Србија увезува нафта е преку Хрватска и нафтоводот Јанаф.
Новиот нафтовод ќе и овозможи на Србија да добива нафта од Унгарија, низ чија територија поминува нафтоводот Дружба, а кој снабдува поголем дел од Европа со сурова нафта.
Проектот се спроведува за транспорт на нафта од типот REB („Russian Export Blend“).