Еден убиен и еден тешко ранет во пукотници во универзитет во САД
Пукањето се случило пред студентскиот дом „Јанг Хол“ на јужната страна од универзитетскиот кампус, соопштија локалните власти, потврдувајќи дека осомничениот е уапсен и подоцна идентификуван како Џејкоб Ли Бард од Евансвил, Индијана.
Едно лице е убиено, а друго е тешко повредено во пукотница на Државниот универзитет во Кентаки (САД), соопштија денес локалните власти.
И двете лица се студенти на универзитетот, а осомничениот вооружен напаѓач не е, објави „Си-Би-Ес“.
Пукањето се случило пред студентскиот дом „Јанг Хол“ на јужната страна од универзитетскиот кампус, соопштија локалните власти, потврдувајќи дека осомничениот е уапсен и подоцна идентификуван како Џејкоб Ли Бард од Евансвил, Индијана.
Бард веднаш бил приведен на местото на пукањето од страна на универзитетската полиција под сомнение за убиство од прв степен и напад.
Гувернерот на Кентаки, Енди Бешир, и помошникот началник на полицијата во Франкфорт, Скот Трејси, го опишаа пукањето како изолиран инцидент.
„Повреденото лице е префрлено во локалната болница во критична, но стабилна состојба“, рече Трејси.