Нагелсман по победата над Словачка: Не е лесно да се задржи континуитетот, ни следува четиримесечна пауза

Селекторот на Германија, Јулијан Нагелсман, даде свое видување за триумфот од 6:0 над Словачка и нивниот пласман на Светското првенство во 2026 година.

– Се чувствувам одлично, а расположението во соблекувалната е исто така многу добро. Победата беше заслужена – одлична игра од нашиот тим, со многу притисок. Веќе во првите десет минути почувствував дека можеме да постигнеме гол. Можеби траеше малку подолго отколку што сакавме, но потоа постигнавме неколку одлични голови. Како можеме да го надградиме овој успех? Сега не е лесно, бидејќи сега сме на четиримесечна пауза. Нема да се видиме повторно до март. Но, сме во постојан контакт со клубовите. Имаме многу добри тренери во нашите тимови, а и тие имаат голем интерес играчите да играат добро и да останат здрави и во форма. Кога ќе се сретнеме во март, ќе треба да размислиме за денес и што е можно, изјави германскиот фудбалски стручњак за веб-страницата на УЕФА.

Германија освои 15 бода од осум натпревари и заврши на првото место во квалификациската група А со изборен директен пласман во финалето на Светското првенство 2026.