Албанија формира парламентарна група за поддршка на Израел и се приклучува кон ИАФ
Новата група ќе работи заедно со меѓународната коалиција на произраелски парламентарни тела за зајакнување на таканаречената „дипломатија базирана на вера“ и подобрување на поддршката за Израел.
Албанија денеска стана 64-та земја што се приклучи на Фондацијата на сојузници на Израел (ИАФ), а парламентарната група за поддршка на Израел – Israel Allies Caucus – ќе биде официјализирана во Pарламентот во Тирана, пренесуваат албанските медиуми.
Новата група ќе работи заедно со меѓународната коалиција на произраелски парламентарни тела за зајакнување на таканаречената „дипломатија базирана на вера“ и подобрување на поддршката за Израел.
„Копретседатели на групата ќе бидат Ромина Куко од Социјалистичката партија и Газменд Барди од Демократската партија, што претставува ретка меѓупартиска иницијатива и ја симболизира долгата традиција на албанска поддршка на еврејскиот народ и државата Израел, додаваат медиумите.