Рама: Во Косово нема волја за заедничка резолуција со Албанија и за дипломатска офанзива против Специјалниот суд

Специјалниот суд во Хаг врши „безброј прекршувања“, додека во Косово „нема волја“ за заедничка парламентарна резолуција, а со тоа и за понатамошни дипломатски офанзиви во канцелариите низ целиот свет, изјави албанскиот премиер Еди Рама за телевизијата „Клан Косова“ за случувањата во Хаг, каде почна сведочењето на сведоците на одбраната, во случаите со високите раководители на ОВК.

Рама рече дека може само да се „надева“ дека судиите се различни од обвинителите, додавајќи дека „во ниедна демократска земја во светот“ еден ваков специјален суд „не би можел да продолжи вака, толку мирно, толку долго“.

– За жал, во Косово нема волја да се донесе резолуција на Парламентот, со резолуција надвор од политичките партии, на која веднаш би се придружиле и ние, против Судот и против целата оваа фарса. Бидејќи има многу фарса во тоа, ако погледнете што го поттикна создавањето на судот и што се зборува во процесот. На крајот на краиштата, заборавено е дека создавањето беше поттикнато од извештајот на озлогласениот Дик Марти. И нема ниту една трага, буква или звук поврзан со трговијата со органи. Без разлика дали во тој дел од обвинението или во целиот процес. Постои драматично отстапување, и сите приказни за инсинуации. И од супер смешни сведоци, наведе Рама.

На прашањето дали воопшто добил честитки од привремената влада на Косово, на чело со Албин Курити, тој само рече дека „не сакам да влегувам во тој разговор“.

Албанскиот премиер продолжи дека во Косово недостасува волја да се преземе заеднички чекор „дури и ако е само симболичен“ за да се постави прашањето за специјалниот суд пред светските канцеларии.

– Не зборував за односите меѓу нас, туку за недостигот на волја да се направи чекор, дури и симболичен, но верувам дека би имало одреден одглас ако ги обединиме двете собранија и преземеме дипломатска офанзива за да ја донесеме оваа обединета позиција до сите канцеларии, поврзувајќи ги сите безбројни прекршувања на демократските стандарди на процесот, посочи Рама.

Тој додаде „не навлегувам во суштината на случајот“, но присутни се и забележливи се сериозните прекршувања.

– Во ниедна демократска земја не би се одвивал процес вака, толку тивко толку години. Бидејќи надлежните органи на управување на судскиот систем не би стоеле со скрстени раце. Не навлегувавме во суштината на случајот, продолжуваме да мислиме дека правдата си ја врши работата, а коментарите што можеме да ги дадеме поединечно се такви, но она што можеме да го направиме е да ги истакнеме сериозните и тековни прекршувања на овој процес, а процесот не е демократски, а ова е многу сериозно, многу сериозно, оцени Рама.

Според него, од преземањето на функцијата претседател (Хашим Тачи) без никакви обвиненија, до затворање, до негово држење во затвор врз основа на теоријата за потенцијално заплашување на сведоци, до прислушување на просторијата за состаноци е незамисливо, неразбирливо.

На прашањето како ја гледа косовската Влада и нејзините нарушени односи со Западот, Рама не даде коментар, велејќи дека оценката им припаѓа на граѓаните на Косово, кои демократски ги избираат лидерите на својата држава.