Охриѓанец предизвикал пожар на глисер на негов брат, зафатени и зграда и автомобил
Тој се сомничи дека околу 2:33 часот во дворно место на улицата „Даме Груев“ во Охрид, предизвикал пожар на глисер, што се проширил и зафатил дел од зграда и патничко возило „мерцедес“ со охридски регистарски ознаки, што се сопственост на неговиот 45-годишен брат Ј.С. од Охрид.
– Денеска во три часот, полициски службеници од Секторот за внатрешни работи – Охрид го лишиле од слобода З.С., 52-годишен охриѓанец. Тој се сомничи дека околу 2:33 часот во дворно место на улицата „Даме Груев“ во Охрид, предизвикал пожар на глисер, што се проширил и зафатил дел од зграда и патничко возило „мерцедес“ со охридски регистарски ознаки, што се сопственост на неговиот 45-годишен брат Ј.С. од Охрид, појаснија од МВР.
Немало повредени лица, а пожарот бил изгаснат од екипа на Територијалната противпожарна единица – Охрид.
– З.С. бил задржан во полициска станица и во службен разговор го признал делото. По целосно документирање на случајот, против него ќе биде поднесена соодветна кривична пријава, додадоа од МВР.