ВМРО-ДПМНЕ: Инфлацијата во Македонија излезе од контрола!

„Инфлацијата во Македонија излезе од контрола заради неспособноста на власта на СДСМ и ДУИ. Рекордна двоцифрена инфлација од 10,5%, како што немало во последните 30 години во државата.

Ненавременото справување со кризите, здравствената и енергетската, како и големиот раст на цените, донесе до тоа да Македонија биде рекордер по растење на инфлацијата.

Сиромаштијата е се поголема, а инфлацијата го изеде животниот стандард на граѓаните.

Додека цените на основните прехранбени продукти енормно растеше од 10 до 50%, цената на нафтата и електричната енергија се качија до плафон, платите на граѓаните останаа исти.

Граѓаните едвај го преживуваат месецот, а владата на СДСМ и ДУИ наместо помош за стопанството и граѓаните единствено мисли на криминални тендери, трошење на парите на граѓаните за непродуктивни работи и луксузирање на владините функционери.

Потребни се брзи предвремени парламентарни избори“ се вели меѓудругото во соопштението на ВМРО-ДПМНЕ.