НБА: Индијана избори седми натпревар

Кошаркарите на Индијана израмнија против Оклахома на 3-3 во финалната серија до четири победи од плејофот во НБА лигата, откако синоќа победија на домашен терен со 108-91.

Индијана се избори за „мајсторка“ предводена од Оби Таупин со 20 поени и Ендру Нембхард со 17 поени. Во тимот на Оклахома, Шеј Гилџес-Александер беше најефикасен со 21 поени.

Решавачкиот, седми натпревар во битката за титулата ќе се одигра ноќта меѓу недела и понеделник, а домаќин ќе биде Оклахома.

Ова е прв пат од 2016 година финалето на плејофот во НБА да се игра во седум натпревари. Во тоа финале, Кливленд се врати од негатива од 1:3 против Голден Стејт, и со победа од 93:89 во „мајсторката“ ја освои својата прва шампионска титула во НБА лигата.