„На Украина ќе и бидат потребни околу 600 милијарди долари за обнова на економијата и инфраструктурата по завршувањето на руската операција“. Ова е изјава на претседателот на земјата – Володимир Зеленски.
„Сигурен сум дека по победата ќе направиме сè доволно брзо. Ќе добиете пристап до нашата земја, до нашиот пазар од над 40 милиони“ – рече Зеленски.
Украинскиот премиер Денис Шмигал беше првиот што спомна 600 милијарди долари. Тој рече дека сумата ќе биде потребна за обнова на економијата и инфраструктурата на долг рок.
Претходно, украинските власти изјавија дека странските средства на Банката на Русија, замрзнати како резултат на санкциите, може да се искористат за обнова на земјата.
Украинското Министерство за економија ја процени нивната сума на 415 милијарди долари и побара од западните партнери да развијат механизам за конфискација на овие пари во корист на Киев.