Тајани: Праведниот мир не може да биде капитулација на Киев
На настанот посветен на обновата на Украина, тој рече дека ја поздравува одлуката на претседателката на Европската комисија, Урсула фон дер Лајен, за европската одбрана, која не е алтернатива на НАТО.
Планот на Европската унија (ЕУ) за зајакнување на одбранбените капацитети на континентот не е алтернатива на НАТО алијансата, изјави денеска италијанскиот министер за надворешни работи – Антонио Тајани.
На настанот посветен на обновата на Украина, тој рече дека ја поздравува одлуката на претседателката на Европската комисија, Урсула фон дер Лајен, за европската одбрана, која не е алтернатива на НАТО.
Тајани посочи дека целта е да се зајакне трансатлантскиот сојуз со европски и американски столб, што ќе биде гаранција за мир за сите, пренесува Анадолија.
„Западот не смее да биде поделен, а Европа има клучна улога. Прво, ние Европејците мора да бидеме обединети“, рече Тајани.
Тој нагласи дека Европа мора да има заедничка визија и да ја гарантира безбедноста на Украина и на целиот континент, бидејќи во спротивно сите напори за обнова би можеле да бидат загрозени со нова војна.
„Праведниот мир не може да биде капитулација на Киев“, заклучи Тајани.