Уапсена раководителка во железницата на Србија

Полицијата денеска уапси раководителка во железницата на Србија, со седиште во Белград, во рамки на антикорупциската акција поради уривање на настрешница на Железничката станица во Нови Сад, при што загинаа 15 лица, а двајца беа тешко повредени.

Како што јави Радио телевизија на Србија (РТС), таа била уапсена од припадници на Управата за криминалистичка полиција.

Во акцијата, која се спроведува по наредба на Одделот за антикорупција на Вишото јавно обвинителство во Белград, се уапсени уште неколку лица.