Радев ја демантира Сиљановска: Спроведувањето на меѓународните договори е задолжително и Сиљановска многу добро го знае тоа

Бугарскиот претседател Румен Радев денеска го демантираше тврдењето на македонската претседателка Гордана Сиљановска-Давкова дека на нивната средба во Баку не го коментирал предлогот за уставни измени со одложено дејство.

„Силјановска, како добар правник, многу јасно знае дека обврските преземени според меѓународните договори едноставно мора да се исполнат“ изјави Радев на новинар на БГНЕС.

„Искажав многу јасна оценка и уште еднаш подетално ја запознав г-ѓа Силјановска со преговарачката рамка и општиот европски консензус од јуни 2022 година, усвоен и со тогашниот договор на Владата на Северна Македонија. Ја запознав и со нашиот Договор за пријателство, добрососедство и соработка и, што е многу важно, со вториот протокол според овој Договор. Тоа се меѓународни обврски и г-ѓа Силјановска, како добар правник, многу јасно знае дека обврските преземени според меѓународните договори едноставно мора да се исполнат. Уште еднаш ја истакнав нашата подготвеност да помогнеме за побрзо да се достигнат условите поставени во овие меѓународни документи, за да се отвори вратата за почеток на преговорите“, рече Радев.

Изјавата на Радев е реакција на вчерашната изјава на Сиљановска Давкова дека излезното, соломонско решение за спорот со Бугарија се уставни измени со одложено дејство.