Посебна авиокомпанија е планирана во Турција за превоз на руски туристи до турските одморалишта, јавува медиумите во земмјата. Ова доаѓа откако Европската агенција за безбедност на воздухот ги суспендираше сите руски авиокомпании.
Ескалацијата на судирот меѓу Русија и Украина доведе до проблеми во туристичкиот сектор во Турција, бидејќи и двата пазари се многу важни за бизнисот, пишува турскиот весник „Сабах“. Новата компанија треба да биде со седиште во Анталија, на средоземноморскиот брег на Турција.
„Благодарение на оваа авиокомпанија, ќе биде можно да се привлечат дополнителни милион руски туристи“ – се вели во наводите.
„Туркиш ерлајнс“ наводно има договор со руски агенции да резервира блокови седишта за руските туристи на своите летови. Сепак, поради нестабилната ситуација и западните санкции, Турција со доза песимизам гледа на бројот Руси кои ќе можат да ја посетат земјата оваа 2022 година.